ఆకాశవాణి కడప కేంద్రం. ఈనాటి ...

... సమస్యాపూరణం కార్యక్రమంలో మేమిస్తున్న సమస్య

"రామా రామ పదాబ్జముల్ కొలువరారా కీర్తి మిన్నందురా!"

మీ పూరణలు ఏప్రిల్ 19వ తేదీలోగా మా కేంద్రానికి చేరేలా పంపగోరుతున్నాం.
మా దూరవాణి సంఖ్యలు: 91-8562-240335, 91-8562-240342.

కామెంట్‌లు

అజ్ఞాత చెప్పారు…
మత్తకోకిల కావలెనా??????
5:43 PM, ఏప్రిల్ 15, 2008
రానారె చెప్పారు…
కుదిరితే కోకిలే కానివ్వండి. :)
6:56 PM, ఏప్రిల్ 15, 2008
రానారె చెప్పారు…
క్షమించాలి, ఈ సమస్యను నేను నేరుగా వినలేదు. ఇందులో తప్పులుండటానికి ఆస్కారం వుంది.
11:54 PM, ఏప్రిల్ 15, 2008
రాఘవ చెప్పారు…
ఓ రామా,
http://vaagvilaasamu.blogspot.com/2008/04/blog-post_17.html
మీద కూడా వొక కన్నెయ్యండి మరి.
మరో రాముడు :)
1:59 PM, ఏప్రిల్ 16, 2008
రానారె చెప్పారు…
ఓయీ రాఘవా,

మీ పూరణ చూసి ధైర్యంగా సమస్యను సవరించాను. అభినందనలు. మీ పద్యానికి ప్రతిపదార్థాలు వెతుక్కునే పనిలో పడ్డాను ప్రస్తుతం. ఆకాశవాణికి ఒకసారి మీ దూరవాణిని వినిపించండి మరి! :-))
2:39 PM, ఏప్రిల్ 16, 2008
rākeśvara చెప్పారు…
రామా రామ పాదాబ్జముల్ కొలువరార కీర్తి మిన్నందురా
-
పదాబ్జముల్ అని వుండాలి గా..
కొలువరారా అని వుండాలి గా..
లేక పోతే నా సోపనరెఖా చిత్రం ఒప్పుకోదు :)
తద్దిత్తోం తక తోంత తోంత దిరనా,
తద్దిక్కు తద్దిక్కు తాఁ
9:05 AM, ఏప్రిల్ 18, 2008
రానారె చెప్పారు…
రాకేశా, ఈ సమస్యను రాయడంలో నేనెంత బద్ధకం ప్రదర్శించానో అర్థమౌతోంది. ఇప్పుడు దిద్దాను. చూపినందుకు చాలా చాలా థాంక్సు.
9:14 AM, ఏప్రిల్ 18, 2008
గిరి Giri చెప్పారు…
రామనాథా, మంచి సమస్య నిచ్చినందుకు కృతజ్ఞతలు, నా పూరణ ఇక్కడ.....
10:35 AM, ఏప్రిల్ 19, 2008
అజ్ఞాత చెప్పారు…
రానారే గారు, నిజం గా ఆకాశవాణి కడపకేంద్రం వారిదే? కేంద్రం లో మీ పద్యాలు శ్రద్ధగా విని రాసుకునే వాళ్లున్నారా? (నత్త) చిరునామా కూడా ప్రకటించి ఉండాలే? కొంతకాలంక్రితం వరకు డు.ద వారు ప్రతి ఆదివారం ప్రసారం చేశేవారు, దాదాపు సంవస్తరం క్రితం అనుకుంటాను అర్ధాంతరం గా ఆపేశారు.

రామా! రామ పదాబ్జముల్ కొలువరారా కీర్తి మిన్నందురా!
సమస్యలో "రామ" స్త్రీలింగమా?

ఈ సమస్య చూసైనా శ్రీరాం గారు తిరిగి బ్లాగు వైపు,పద్యాల వైపు వస్తారేమో చూద్దాం
11:02 AM, ఏప్రిల్ 19, 2008
రానారె చెప్పారు…
అదీ! గిరిగారి పద్యం రాలేదేమని చూస్తున్నాను.

విశ్వామిత్రా,
విని రాసుకోవడమెందుకండి, రికార్డు చేసి వినిపిస్తారు. ఈమధ్య గత కొన్నేళ్లుగా ఫోన్-ఇన్ కార్యక్రమాలు ఎక్కువయ్యాయి. నత్తచిరునామా అంటారా, ఏముందీ, "సమస్యాపూరణం, కేరాప్ స్టేషన్ డైరెక్టర్, ఆకాశవాణి, కడప"

శ్రీరాం మళ్లీ పద్యాలు రాయాలని మనమంతా ధర్నా చెయ్యాలి. :)
11:22 AM, ఏప్రిల్ 19, 2008
రానారె చెప్పారు…
రామ స్త్రీలింగముగా వడొచ్చా లేదా అన్నది వాళ్లు చెప్పలేదు. మన యిష్టానికి వదిలినట్టే.
11:24 AM, ఏప్రిల్ 19, 2008

కామెంట్‌ను పోస్ట్ చేయండి

ఇక్కడ తెలుగులో వ్యాఖ్యనించడం ఎలాగో మీకు తెలియలేకపోతే, అంకెలతో వ్యాఖ్యానించవచ్చు. నచ్చింది 5/10. చాలా బాగుంది 7/10 ఇలాగ.

ఈ బ్లాగ్ నుండి ప్రసిద్ధ పోస్ట్‌లు

అకాలకృత్యములు

అనగనగా ఒక పల్లె. పల్లె మొగసాల ఒక పెద్ద చింత మాను. మాని పక్కగా పల్లె లోపలికి బండ్లబాట. ఆ మాని మొదలు చాటున ఒక కుక్కపిల్ల. ఎండి రాలిన చింతాకు దుగ్గు మీద పడుకొని బాట వెంబడి వచ్చీపోయే జనాలనూ ఎద్దులబండ్లనూ చూస్తూ, ఎండకు తావటిస్తోంది. ఉన్నట్టుంది కాళ్లతో దుగ్గును పక్కకు తోసి, ఒక ఎముకను నోట గరచుకుని మళ్లీ పడుకుంది. ముందరికాళ్లను ముందుకు చాపుకొని, మోర ఆ కాళ్లమధ్యలో పెట్టుకొని, నోట ఆరంగుళాల ఎముకను అడ్డంగా కరచుకొని విశ్రాంతిగా చప్పరిస్తూంది లేదా చప్పరిస్తోంది. **** **** **** **** **** **** **** **** **** చప్పరిస్తూ+ఉంది=చప్పరిస్తూంది - సవర్ణదీర్ఘసంధి చప్పరిస్తా+ఉంది=చప్పరిస్తోంది - గుణసంధి ఇప్పుడు రామాయణంలో ఈ పిడకల వేట చేయవలసిన అవసరం ఏమిటని మీకు అనిపిస్తూండవచ్చు. అక్కడికే వస్తున్నా. "చప్పరిస్తూ ఉంది" అని చెప్పడానికి 'చప్పరిస్తూంది' లేదా 'చప్పరిస్తోంది' అని కాక, 'చప్పరిస్తుంది' అని మనలో కొందరు రాస్తున్నారు. '...స్తూంది' లేదా '...స్తోంది' అన్నది వర్తమానాన్ని (ప్రస్తుతం జరుగుతున్నదాన్ని) తెలియజేసేదైతే, '...స్తుంది' అన్నది భవిష్యత్ కాల ...
మరింత చదవండి

ఉత్పలమాల - గురువు - లఘవు

భండన భీముడా ర్తజనబాంధవు డుజ్వల బాణ తూణ కో దండకళా రప్రచండ భుజతాండవ కీర్తికి రామ మూర్తికిన్ రెండవ సాటి దైవమిక లే డనుచున్ గడగట్టి భేరికా డాండ డడాండ డాండ నినదమ్ము లజాండము నిండ మత్త వేదండమునెక్కిచాటెదను దాశరథీ కరుణా పయోనిధీ! చిన్నప్పుడు మా నాయన నేర్పిన పద్యం ఇది. అర్థంతో సహా నేర్పారు కాబట్టి ఇంకా గుర్తుంది. పద్యం నాలుగు పాదాలూ రాశానుగానీ, పాదాలను ఎక్కడబడితే అక్కడ అమ్మతోడుకూడాలేకుండా అడ్డంగా నరికేసినట్లున్నాను. ఇలా కాదుగాని ఒక మహాప్రయత్నం చేసి ఛందోబధ్దంగా నాలుగు పాదాలు ఒకేపొడవులో వుండేట్టుగా నిలబెట్టాలని మొదలుబెట్టాను. మనం చిన్నప్పుడు అంటే తొమ్మిది, పదవ తరగతుల్లో చదువుకుని మరచిపోతామేమో నని కొంచెం బెంగపడిన ఛందస్సు పునరావలోకనం. పద్యంలో ఒక తప్పున్నా ఛందస్సు చెడిపోతుంది కదా. నాకు తెలిసి ఈ పద్యం నేను తప్పులు లేకుండా రాసినానని గట్టి నమ్మకం. ముందుగా - "యమాతారాజభానసలగం" అనుకొన్నాను. ఎక్కడో విన్న వాసన తగులుతోందా? లేక ఏమిటిది కపాలమాంత్రికుని మహామంత్రం లాగ వుందే అంటారా? తెలుగు వర్ణమాల నేర్చుకోవడంలో ఓనమాలు ఏమిటో (ఈ కాలంలో అఆఇఈ ఏమిటో), తెలుగు ఛందస్సు నేర్చుకోవడంలో "యమాతారాజభానసలగం" అల...
మరింత చదవండి

విజయా వారి విజయపతాక

నేనింతవరకూ పాతాళభైరవి పూర్తిగా చూడలేదు. నాదగ్గరున్న పాత సీడీలను సర్దుతుండగా కంటబడిందీరోజు. చూద్దామని కుదురుగా కూర్చున్నాను. సెన్సారువారి యోగ్యతాపత్రం తరువాత విజయావారి పతాక. యుద్ధభేరి మోగుతుండగా రెపరెపలాడే జెండాపై కపిరాజు. మిస్సమ్మ, గుండమ్మకథ, మాయాబజార్లను ఎన్నోసార్లు చూసివుంటానుగానీ ఈ 'పతాక' సన్నివేశంలో మాత్రం ప్రతిసారీ కపిరాజును చూడటంతోనే సరిపోయేది. రెపరెపలాడే ఆ జెండా చుట్టూ ఒక సంస్కృత సూక్తము వున్న సంగతిని ఈరోజు గమనించాను. సినిమాను అక్కడ ఆపి, అదేమిటో చదివాను "क्रियासिद्धि स्सत्वे भवति". క్రియాసిద్ధి స్సత్వే భవతి - విడివిడిగా ఒకో పదానికి అర్థం సుమారుగా తెలుస్తోందిగానీ మొత్తానికి భావమేమిటో అందలేదు. గూగులమ్మనడిగాను. "క్రియాసిద్ధిః సత్వే భవతి మహతాం! న ఉపకరణే" - ఈ సుభాషిత సారం విజయావారి నినాద మయ్యిందన్నమాట. "మహానుభావుల విజయం/సత్తా వారి స్వశక్తి/క్రియల వల్ల సిద్ధిస్తుందిగానీ, వాడే ఉపకరణాల వల్ల కాదు" - అని అర్థం చేసుకోవచ్చు. విజయావారి విజయాలను చూస్తే ఇది వారేదో ఫ్యాన్సీగా పెట్టుకున్న నినాదం కాదనిపిస్తుంది. పూర్తి శ్లోకం ఇదీ: విజేతవ్యా లంకా చరణతరణీయా జల...
మరింత చదవండి