పట్టువదలని విక్రమార్కుడు
ఎక్కడికో తిరిగి వెళ్తున్నట్టుందే ... !?
ఏమిటో భుజానవేసుకొని నడుస్తున్నాడు. అలసిపోడూ!?
పొద్దుపోని యవ్వారం - 9
దాశరథీ శతకం తెలుసా? శతకమొకటి వుందని తెలుసు ఎవర్రాశారో తెలుసా? కంచెర్ల గోపన్న పద్యాలేమైనా వచ్చునా? శ్రీ రఘురామ! చారుతుల-సీతాదళధామ అనే పద్యం వచ్చు ఇంకా? భండన భీముడా ర్తజనబాంధవు డుజ్వల బాణ తూ... ఆగక్కడ. గోపన్న కాళిందిలో కాలేశాడు !!!?? ఏమిటలా మిడిగుడ్లేసుకుని నన్ను చూస్తావు? ఆ పద్యాన్ని చూడు పద్యానికేఁ?! ఆ పద్యం ఎవరిగురించి? రామమూర్తిని గురించి కదా! రాముడు ముందా? భీముడు ముందా? త్రేతాయుగంలో రాముడు, ద్వాపరయుగంలో కృష్ణుడు, కృష్ణునితోపాటే భీముడు ఎవరు ముందు? రాముడే. అయితే? అయితే గోపన్న ఏమన్నాడు? భండన భీముడు అన్నాడు. ఎవరిని? రాముణ్ణి! అంటే తప్పేముంది? తప్పా తప్పున్నరా?!! భీముణ్ణి రామునితో పోల్చితే... అందం, చందం, తల్లీ-బిడ్డా న్యాయం. నలుగురూ ఒప్పుకుంటారు. రామదాసు చేసిందేమిటి? ఎప్పుడో రామాయణంనాటి రాముణ్ణి మొన్నటి మహాభారతం భీమునితో పోల్చి, అవమానం చేసినాడుకదా! ఇదేమని అడిగినవాడు ఒక్కడూ లేకపోయినాడే!! నువ్వు బయల్దేరినావు కదా? అంటే, నీకిది తప్పుగా తోచలేదా? చూడు చిట్టితండ్రీ! భండనము అంటే యుద్ధమని తెలుసుకున్నావు, బాగుంది. భీముడంటే భారతంలో భీముడు కాదు నాయనా. భీ అనే సంస్కృతశబ్దానికి భయమనే అర్థముంది. భీమము ...
కామెంట్లు
రఘూ రాముడూ
రమణీయ వినీల ఘన శ్యాముడూ
వాడు-నెలఱేడు-సరిజోడు-మొనగాడు
వాని తనువు మగనీలమేలురా - వాని నగవు రతనాలజాలు రా
వాని జూచి మగవారలైన మరుల్గొనెడు మరో మరుడు మనోహరుడు “రఘూ రాముడూ…”
మగ నీలమేవిటీ?
ఆడ నీలం కూడా ఉంటుందా? :)
వాని కనులు మగ మీల మేలురా ..!
కాస్త తీరిగ్గా కూర్చుని జ్ఞాపకాల తుట్టెని కదిలిస్తే పాట (హరికథ) అంతా గుర్తు చేసుకోవచ్చు. ప్రయత్నిస్తా. అన్నట్టు మొన్న మల్లాది వారి మాది రాసిన నా టపాలో గిరిజా కళ్యాణం యక్షగానం వాగ్దానం సినిమాలో అని రాశానుట - మా అక్క సరి దిద్దింది - అది రహస్యం అనే సినిమాలోది. ఆ సినిమా విశ్వనాథ వారి ఒక నవల ఆధారంగా నిర్మించారని తప్ప వేరే విశేషాలేమీ తెలియవు. ఇంకో తమాషా తెలుసా - వాగ్దానం సినిమా దర్శకుడు ఆచార్య ఆత్రేయ - తన సినిమాలో ఆనాటి ప్రముఖ సినీ కవులందరితోనూ తలా ఒక పాట రాయించుకున్నారుట.
కామెంట్ను పోస్ట్ చేయండి
ఇక్కడ తెలుగులో వ్యాఖ్యనించడం ఎలాగో మీకు తెలియలేకపోతే, అంకెలతో వ్యాఖ్యానించవచ్చు. నచ్చింది 5/10. చాలా బాగుంది 7/10 ఇలాగ.