గూగులమ్మ పదాలు

గురువుగారూ, అందుకోండి అయిదో విడత పదాలు.
*****


ఐపి వున్నది గనుక
వేంకటేశ్వరు డింక
వీడవచ్చును శంక
ఓ గూగులమ్మా!


వంశ చరితల శంస
జెంత గూడి రిరంస
రంతు సినిమా హింస
ఓ గూగులమ్మా!


పంచెకట్టు పరికిణి
పాతరికపు చెలామణి
జీన్సె నేటి ధోరణి
ఓ గూగులమ్మా!


హొంత యగు యిల్లాలు
పొంత నుండిన చాలు
సొంత మౌను సుఖాలు
ఓ గూగులమ్మా!


జనమ నిచ్చిన ఇంతి
జలము నిడచిన గొంతి
'కర్ణతల్లి'ట కుంతి
ఓ గూగులమ్మా!

కామెంట్‌లు

కొత్త పాళీ చెప్పారు…
మొదటిదీ చివరిదీ చాలా బావున్నై. జీంసు పదం గతి తప్పింది. మిగతావి నాకు అర్ధం కాలేదు.
అదలా ఉండగా, భువన విజయం కోసం రాసినవి కూడా ఇక్కడ పెట్టేస్తే అది కూడా ఒక విడతగా లెక్కేసుకోవచ్చుగా, అన్నీ ఒక చోట ఉంటాయి.
6:38 AM, ఏప్రిల్ 16, 2008
రానారె చెప్పారు…
"జీన్సు" గతి తప్పిందని రాసినప్పుడే అనిపించింది. మాత్రల లెక్క సరిపోవడంతోటే పరమార్థం సిద్ధించదని తెలిసినా పొట్లంకట్టేశాను. దీనితో ఈ పద్యం కసుగాయ అయిపోయింది. 'అర్థం కాలేదు' అనిపించకుండా రాస్తా తరువాతి విడతల్లో. భు.వి.లోవి కూడా తెచ్చిపెడతా. థాంక్యూ వెరీమచ్.
9:02 AM, ఏప్రిల్ 16, 2008
teresa చెప్పారు…
hoMta aMTE eviTi? telugu padamEnA?
11:05 AM, ఏప్రిల్ 16, 2008
రానారె చెప్పారు…
'హొంత' తెలుగు పదమే. నేర్పరి అని దీనికి అర్థం. చిన్నప్పుడు నవోదయ ప్రవేశపరీక్షల కోసం మాకు చాలా పదాలకు నానార్థాలు, పర్యాయపదాలు నేర్పారు. వాటిలో హొంత ఒకటి. అప్పుడప్పుడూ గుర్తొస్తూ వుంటాయి. ఈ పదాన్ని నేనెక్కడా వాడుకలో చూడలేదు. నేనే వాడుకలోకి తేవచ్చుగదా అని ఈ పద్యంలో ఉపయోగించా. గూగులమ్మ పదాల్లో ఇలాంటి మారుమూల పదాలనూ, నిఘంటువుల్లో మగ్గిపోయే పదాలూ యిమడవని తెలిసింది.
2:23 PM, ఏప్రిల్ 16, 2008

కామెంట్‌ను పోస్ట్ చేయండి

ఇక్కడ తెలుగులో వ్యాఖ్యనించడం ఎలాగో మీకు తెలియలేకపోతే, అంకెలతో వ్యాఖ్యానించవచ్చు. నచ్చింది 5/10. చాలా బాగుంది 7/10 ఇలాగ.

ఈ బ్లాగ్ నుండి ప్రసిద్ధ పోస్ట్‌లు

విజయా వారి విజయపతాక

నేనింతవరకూ పాతాళభైరవి పూర్తిగా చూడలేదు. నాదగ్గరున్న పాత సీడీలను సర్దుతుండగా కంటబడిందీరోజు. చూద్దామని కుదురుగా కూర్చున్నాను. సెన్సారువారి యోగ్యతాపత్రం తరువాత విజయావారి పతాక. యుద్ధభేరి మోగుతుండగా రెపరెపలాడే జెండాపై కపిరాజు. మిస్సమ్మ, గుండమ్మకథ, మాయాబజార్లను ఎన్నోసార్లు చూసివుంటానుగానీ ఈ 'పతాక' సన్నివేశంలో మాత్రం ప్రతిసారీ కపిరాజును చూడటంతోనే సరిపోయేది. రెపరెపలాడే ఆ జెండా చుట్టూ ఒక సంస్కృత సూక్తము వున్న సంగతిని ఈరోజు గమనించాను. సినిమాను అక్కడ ఆపి, అదేమిటో చదివాను "क्रियासिद्धि स्सत्वे भवति". క్రియాసిద్ధి స్సత్వే భవతి - విడివిడిగా ఒకో పదానికి అర్థం సుమారుగా తెలుస్తోందిగానీ మొత్తానికి భావమేమిటో అందలేదు. గూగులమ్మనడిగాను. "క్రియాసిద్ధిః సత్వే భవతి మహతాం! న ఉపకరణే" - ఈ సుభాషిత సారం విజయావారి నినాద మయ్యిందన్నమాట. "మహానుభావుల విజయం/సత్తా వారి స్వశక్తి/క్రియల వల్ల సిద్ధిస్తుందిగానీ, వాడే ఉపకరణాల వల్ల కాదు" - అని అర్థం చేసుకోవచ్చు. విజయావారి విజయాలను చూస్తే ఇది వారేదో ఫ్యాన్సీగా పెట్టుకున్న నినాదం కాదనిపిస్తుంది. పూర్తి శ్లోకం ఇదీ: విజేతవ్యా లంకా చరణతరణీయా జల
మరింత చదవండి

ఉత్పలమాల - గురువు - లఘవు

భండన భీముడా ర్తజనబాంధవు డుజ్వల బాణ తూణ కో దండకళా రప్రచండ భుజతాండవ కీర్తికి రామ మూర్తికిన్ రెండవ సాటి దైవమిక లే డనుచున్ గడగట్టి భేరికా డాండ డడాండ డాండ నినదమ్ము లజాండము నిండ మత్త వేదండమునెక్కిచాటెదను దాశరథీ కరుణా పయోనిధీ! చిన్నప్పుడు మా నాయన నేర్పిన పద్యం ఇది. అర్థంతో సహా నేర్పారు కాబట్టి ఇంకా గుర్తుంది. పద్యం నాలుగు పాదాలూ రాశానుగానీ, పాదాలను ఎక్కడబడితే అక్కడ అమ్మతోడుకూడాలేకుండా అడ్డంగా నరికేసినట్లున్నాను. ఇలా కాదుగాని ఒక మహాప్రయత్నం చేసి ఛందోబధ్దంగా నాలుగు పాదాలు ఒకేపొడవులో వుండేట్టుగా నిలబెట్టాలని మొదలుబెట్టాను. మనం చిన్నప్పుడు అంటే తొమ్మిది, పదవ తరగతుల్లో చదువుకుని మరచిపోతామేమో నని కొంచెం బెంగపడిన ఛందస్సు పునరావలోకనం. పద్యంలో ఒక తప్పున్నా ఛందస్సు చెడిపోతుంది కదా. నాకు తెలిసి ఈ పద్యం నేను తప్పులు లేకుండా రాసినానని గట్టి నమ్మకం. ముందుగా - "యమాతారాజభానసలగం" అనుకొన్నాను. ఎక్కడో విన్న వాసన తగులుతోందా? లేక ఏమిటిది కపాలమాంత్రికుని మహామంత్రం లాగ వుందే అంటారా? తెలుగు వర్ణమాల నేర్చుకోవడంలో ఓనమాలు ఏమిటో (ఈ కాలంలో అఆఇఈ ఏమిటో), తెలుగు ఛందస్సు నేర్చుకోవడంలో "యమాతారాజభానసలగం" అల
మరింత చదవండి

వేదంలో సైన్సు - సైన్సులో వేదాంతం

వేదాల్లో సైన్సును వెతకండిగానీ సైన్సులో వేదాలను వెతక్కండన్నాడొక పెద్దాయన. అది చేతకానప్పుడు ఇదైనా చెయ్యాలిగదా? ఇప్పుడు నేను చెయ్యబోతున్నది ఆలాంటిదే. 2009 ఫిబ్రవరిలో కొత్తపాళీగారి బ్లాగులో "స్థితప్రజ్ఞత" అనే టపా వచ్చింది. అందులో ముఖ్యమైనదిగా నాకు తోచిన వాక్యం - "క్రమశిక్షణతో కూడిన ఒక వైరాగ్యాన్ని పెంపొందించుకో గలిగితే తదనుగుణంగా మన అంతశ్శక్తిని నిక్షేపించుకుని, దాచుకుని, అంతిమంగా కీలకమైన లక్ష్యసాధనకి వినియోగించుకోవచ్చు." 2010 ఫిబ్రవరి వచ్చాక చూసుకుంటే, గడచిన యేడాది కాలంలో క్రమశిక్షణ లేదు. వైరాగ్యం లేదు. ఇవి రెండూ లేకపోవడంవల్ల అంతశ్శక్తీ లేదు. కనీసం, అంతిమంగా కీలకమైన లక్ష్యం యేమిటో తెలుసునా అంటే అదీతెలీదు. క్రమశిక్షణా అంతశ్శక్తీ ఎంతోకొంత తిరిగి సాధించినా, లక్ష్యం ఏమిటో తెలీడంలేదు. నా లక్ష్యం ఏమిటో మీకేమైనా తెలుసా? అని ఎవరినయినా అడిగితే బాగుండదేమో. ఇంతకూ, మీకు అంతిమంగా కీలకమైన లక్ష్యం ఏమిటి? A. నాకు తెలీదు B. ఆ భగవంతుడే నిర్ణయిస్తాడు C. అక్కర్లేదు నా కిలాగే బాగుంది D. తిన్నామా పడుకున్నామా తెల్లారిందా E. ప్రతిరోజూ క్రమశిక్షణనూ, అంతశ్శక్తినీ సాధించడమే F. సృష్టికార్యంలో ఆ ప
మరింత చదవండి