గూగులమ్మ పదాలు

గురువుగారూ, మీరిచ్చిన ఎసైన్మెంటు రెండవ వాయిదా:

పెండ్లియగుటొక ఫేటు
బ్యాచిలరుపై వేటు
పెండ్లామె రూంమేటు
ఓ గూగులమ్మా!

ఉద్యోగమున మనుట
రెండు మేడల గొనుట
బ్రతుకులో సెటిలగుట!?
ఓ గూగులమ్మా!

చేసెడిది గోరంత
చూపెడిది కొండంత
లౌక్యమట ఈ వింత
ఓ గూగులమ్మా!

పైకోర్టు చీవాట్లు
ప్రభువులకు అలవాట్లు
పాలితుల గ్రహపాట్లు
ఓ గూగులమ్మా!

రైతు ముఖమున తేట
మాయమౌ ప్రతి యేట
ఇసుక వేయును మేట
ఓ గూగులమ్మా!

అవినీతి జేజమ్మ
నేతగుట మా ఖర్మ
తొండ ముదిరె గదమ్మ
ఓ గూగులమ్మా!

కామెంట్‌లు

Sriram చెప్పారు…
adaragottesaav 8/10
2:28 PM, అక్టోబర్ 04, 2007
అజ్ఞాత చెప్పారు…
ఏయమ్మ నీనోట
పలికించె నీమాట
పొగిడించె నానోట
ఓ గూగులమ్మా!

భళారె రానారె!
3:42 PM, అక్టోబర్ 04, 2007
కొత్త పాళీ చెప్పారు…
క్వాలిటీ ఏమాత్రం తగ్గకుండా బండి నడిపిస్తున్నావు. చాలా ఆనందంగా ఉంది.

చిన్న సూచన:
పైకోర్టు చీవాట్లు
ప్రభువులకు అలవాట్లు
పాలితుల గ్రహపాట్లు
ఓ గూగులమ్మా!
అంటే ఎఫెక్టు బాగుంటుందేమో.
4:26 PM, అక్టోబర్ 04, 2007
teresa చెప్పారు…
Good going!
7:51 PM, అక్టోబర్ 04, 2007
చదువరి చెప్పారు…
బావున్నాయి!
10:10 PM, అక్టోబర్ 04, 2007
రానారె చెప్పారు…
శతకం రాసేస్తానని డాంబికానికి పోయాక వాసి విషయంలోనే చాలా ఒత్తిడికి గురయ్యాను. అయితే గురువుగారూ, మీ కితాబు నన్ను కుదుటపరచింది. నమస్సులు.

శ్రీరామ, తెనాలిరామ, చదువరిగార్లకు - బహు కృతజ్ఞతలు.

తెరెసాగారు - నెనర్లు. అంతా ఆ గూగులమ్మతల్లి దయ! :-)
10:14 PM, అక్టోబర్ 04, 2007
rākeśvara చెప్పారు…
ఇందులో కూడా జ్ఞానం పాళ్ళు చాలా ఎక్కువ కనిపిస్తున్నాయి, తగ్గిచ్చండి, తగ్గిచ్చండి.
ఇంక గూగులమ్మ అంటే మీ వూరి గ్రామదేవతా ??
7:23 AM, అక్టోబర్ 05, 2007
రానారె చెప్పారు…
:)
తగ్గిస్తా. గూగులమ్మ గ్రామదేవతేకానీ, మా ఒక్క ఊరిదే కాదు. ఆవిడ ఎవరో ఆమెపదాల మొదటి భాగంలో ఉంది.
8:50 AM, అక్టోబర్ 05, 2007
రానారె చెప్పారు…
@కొత్తపాళిగారు - ఔను. మీరన్నట్లుగానే మార్చాను.
12:04 PM, అక్టోబర్ 05, 2007
అజ్ఞాత చెప్పారు…
syoooparoeparu

- Nagaraja.
12:24 PM, అక్టోబర్ 05, 2007
spandana చెప్పారు…
రానారె బాగున్నాయి. కానీ ఒక సందేహం.
"పై కోర్టు చీవాట్లు" పదంలో, పైకోర్టు చీవాట్లు పాలితులకు గ్రహపాట్లు అన్న అర్థం వస్తోంది కదా. ఇది సరియేనా?

--ప్రసాద్
http://blog.charasala.com
5:20 PM, అక్టోబర్ 07, 2007
అజ్ఞాత చెప్పారు…
ఈ పదాలు రాయటం చాలా కష్టం. చివర అంత్యప్రాస వచ్చేటట్టు లొల్లాయి పదాలుఎవడైనా రాస్తాడు..కాని .. మీలాగా ఇంతా లోతైన భావాన్ని జొప్పించటం .. చాలా చాలా కష్టం. నడక బాగా పట్టుకున్నారు..
మూడుముక్కల్లో సంఘాన్నీ జీవితాన్నీ చక్కగా ఆవిష్కరిస్తున్నారు ..సెటిలగుట పక్కన '?', "రైతు మొహమున తేట..." .. విస్తరిస్తే ఓ సీసపద్యానికి సరిపడ అర్ధాన్ని దాచుకు కూర్చున్నాయి.. ఇంకా చాలా చెప్పాలని ఉండి గాని .. ఇప్పుడు చెప్పను.. ౧౧౬ ఐన తర్వాత చెబుతాను..
పద్యాల పక్కన సంఖ్యా ఇవ్వండి - నాబోటి బద్దకస్తులకి వ్యాఖ్యానించటానికి సులువుగా ఉంటుందీ, మీరు లక్ష్యానికి ఎంత దగ్గర/దూరం లో ఉన్నారోకూడా తెలుస్తుంది.


చదువగ కలిగె పులకింత
వీనివిలువ తెలుప నేనెంత
ఆయువగు నీకు బ్రహ్మంత
ఓ నా రెడ్డయ్య
అనిపించాయి..
2:37 AM, అక్టోబర్ 09, 2007
రానారె చెప్పారు…
నాగరాజగారికి నెనరులు.

ప్రసాదుగారు - మీరనే అర్థం వస్తుంది. కానీ ఇంకోలా తీసుకోవాలని మనవి.

పైకోర్టు చీవాట్లు
ప్రభువులకు అలవాట్లు
ప్రభువులకు అలవాట్లు
పాలితుల గ్రహపాట్లు

అని చదువుకోవాలన్నమాట :).

ఊకదంపుడుగారు - మీ ఆశీఃపూర్వక అభినందనలకు మీకనేక ధన్యవాదాలు. సంఖ్య ఇవ్వవచ్చునుగానీ, ఇప్పుడు రాస్తున్నవాటిలో కసుగాయలుండవచ్చు, వాటిని ఏరివేయాలనుకున్నప్పుడు అన్నింటికీ సంఖ్యను మార్చాల్సివస్తుందేమోనని... ఆరు పదాలు ఒక విడతగా రాస్తున్నాను.
9:27 AM, అక్టోబర్ 09, 2007

కామెంట్‌ను పోస్ట్ చేయండి

ఇక్కడ తెలుగులో వ్యాఖ్యనించడం ఎలాగో మీకు తెలియలేకపోతే, అంకెలతో వ్యాఖ్యానించవచ్చు. నచ్చింది 5/10. చాలా బాగుంది 7/10 ఇలాగ.

ఈ బ్లాగ్ నుండి ప్రసిద్ధ పోస్ట్‌లు

విజయా వారి విజయపతాక

నేనింతవరకూ పాతాళభైరవి పూర్తిగా చూడలేదు. నాదగ్గరున్న పాత సీడీలను సర్దుతుండగా కంటబడిందీరోజు. చూద్దామని కుదురుగా కూర్చున్నాను. సెన్సారువారి యోగ్యతాపత్రం తరువాత విజయావారి పతాక. యుద్ధభేరి మోగుతుండగా రెపరెపలాడే జెండాపై కపిరాజు. మిస్సమ్మ, గుండమ్మకథ, మాయాబజార్లను ఎన్నోసార్లు చూసివుంటానుగానీ ఈ 'పతాక' సన్నివేశంలో మాత్రం ప్రతిసారీ కపిరాజును చూడటంతోనే సరిపోయేది. రెపరెపలాడే ఆ జెండా చుట్టూ ఒక సంస్కృత సూక్తము వున్న సంగతిని ఈరోజు గమనించాను. సినిమాను అక్కడ ఆపి, అదేమిటో చదివాను "क्रियासिद्धि स्सत्वे भवति". క్రియాసిద్ధి స్సత్వే భవతి - విడివిడిగా ఒకో పదానికి అర్థం సుమారుగా తెలుస్తోందిగానీ మొత్తానికి భావమేమిటో అందలేదు. గూగులమ్మనడిగాను. "క్రియాసిద్ధిః సత్వే భవతి మహతాం! న ఉపకరణే" - ఈ సుభాషిత సారం విజయావారి నినాద మయ్యిందన్నమాట. "మహానుభావుల విజయం/సత్తా వారి స్వశక్తి/క్రియల వల్ల సిద్ధిస్తుందిగానీ, వాడే ఉపకరణాల వల్ల కాదు" - అని అర్థం చేసుకోవచ్చు. విజయావారి విజయాలను చూస్తే ఇది వారేదో ఫ్యాన్సీగా పెట్టుకున్న నినాదం కాదనిపిస్తుంది. పూర్తి శ్లోకం ఇదీ: విజేతవ్యా లంకా చరణతరణీయా జల...
మరింత చదవండి

ఉత్పలమాల - గురువు - లఘవు

భండన భీముడా ర్తజనబాంధవు డుజ్వల బాణ తూణ కో దండకళా రప్రచండ భుజతాండవ కీర్తికి రామ మూర్తికిన్ రెండవ సాటి దైవమిక లే డనుచున్ గడగట్టి భేరికా డాండ డడాండ డాండ నినదమ్ము లజాండము నిండ మత్త వేదండమునెక్కిచాటెదను దాశరథీ కరుణా పయోనిధీ! చిన్నప్పుడు మా నాయన నేర్పిన పద్యం ఇది. అర్థంతో సహా నేర్పారు కాబట్టి ఇంకా గుర్తుంది. పద్యం నాలుగు పాదాలూ రాశానుగానీ, పాదాలను ఎక్కడబడితే అక్కడ అమ్మతోడుకూడాలేకుండా అడ్డంగా నరికేసినట్లున్నాను. ఇలా కాదుగాని ఒక మహాప్రయత్నం చేసి ఛందోబధ్దంగా నాలుగు పాదాలు ఒకేపొడవులో వుండేట్టుగా నిలబెట్టాలని మొదలుబెట్టాను. మనం చిన్నప్పుడు అంటే తొమ్మిది, పదవ తరగతుల్లో చదువుకుని మరచిపోతామేమో నని కొంచెం బెంగపడిన ఛందస్సు పునరావలోకనం. పద్యంలో ఒక తప్పున్నా ఛందస్సు చెడిపోతుంది కదా. నాకు తెలిసి ఈ పద్యం నేను తప్పులు లేకుండా రాసినానని గట్టి నమ్మకం. ముందుగా - "యమాతారాజభానసలగం" అనుకొన్నాను. ఎక్కడో విన్న వాసన తగులుతోందా? లేక ఏమిటిది కపాలమాంత్రికుని మహామంత్రం లాగ వుందే అంటారా? తెలుగు వర్ణమాల నేర్చుకోవడంలో ఓనమాలు ఏమిటో (ఈ కాలంలో అఆఇఈ ఏమిటో), తెలుగు ఛందస్సు నేర్చుకోవడంలో "యమాతారాజభానసలగం" అల...
మరింత చదవండి

వేదంలో సైన్సు - సైన్సులో వేదాంతం

వేదాల్లో సైన్సును వెతకండిగానీ సైన్సులో వేదాలను వెతక్కండన్నాడొక పెద్దాయన. అది చేతకానప్పుడు ఇదైనా చెయ్యాలిగదా? ఇప్పుడు నేను చెయ్యబోతున్నది ఆలాంటిదే. 2009 ఫిబ్రవరిలో కొత్తపాళీగారి బ్లాగులో "స్థితప్రజ్ఞత" అనే టపా వచ్చింది. అందులో ముఖ్యమైనదిగా నాకు తోచిన వాక్యం - "క్రమశిక్షణతో కూడిన ఒక వైరాగ్యాన్ని పెంపొందించుకో గలిగితే తదనుగుణంగా మన అంతశ్శక్తిని నిక్షేపించుకుని, దాచుకుని, అంతిమంగా కీలకమైన లక్ష్యసాధనకి వినియోగించుకోవచ్చు." 2010 ఫిబ్రవరి వచ్చాక చూసుకుంటే, గడచిన యేడాది కాలంలో క్రమశిక్షణ లేదు. వైరాగ్యం లేదు. ఇవి రెండూ లేకపోవడంవల్ల అంతశ్శక్తీ లేదు. కనీసం, అంతిమంగా కీలకమైన లక్ష్యం యేమిటో తెలుసునా అంటే అదీతెలీదు. క్రమశిక్షణా అంతశ్శక్తీ ఎంతోకొంత తిరిగి సాధించినా, లక్ష్యం ఏమిటో తెలీడంలేదు. నా లక్ష్యం ఏమిటో మీకేమైనా తెలుసా? అని ఎవరినయినా అడిగితే బాగుండదేమో. ఇంతకూ, మీకు అంతిమంగా కీలకమైన లక్ష్యం ఏమిటి? A. నాకు తెలీదు B. ఆ భగవంతుడే నిర్ణయిస్తాడు C. అక్కర్లేదు నా కిలాగే బాగుంది D. తిన్నామా పడుకున్నామా తెల్లారిందా E. ప్రతిరోజూ క్రమశిక్షణనూ, అంతశ్శక్తినీ సాధించడమే F. సృష్టికార్యంలో ఆ ప...
మరింత చదవండి