గూగులమ్మ పదాలు

గురువుగారూ, మీరిచ్చిన ఎసైన్మెంటు మొదటి వాయిదా:

నాయకుడి ఒడిలోన
మతకలహమొక కూన
రాజకీయము జాణ
ఓ గూగులమ్మా!

ఆనందమును పంచు
ఆలోచనల పెంచు
మనసులో జీవించు
ఓ గూగులమ్మా!

పెట్టడమ్మా కేసు
ట్రాఫిక్కు పోలీసు
వందనోటులె కీసు
ఓ గూగులమ్మా!

కొట్టి తెచ్చిన ఆస్తి
కొల్లబోవుటె శాస్తి
శాశ్వతం బిల నాస్తి
ఓ గూగులమ్మా!

కొమ్ము పెరిగిన ఎద్దు
కుమ్మజూసిన పొద్దు
తాకునొక పిడిగుద్దు
ఓ గూగులమ్మా!

తొలగించి తామసము
కలిగించి దీమసము
వ్రాయించు నీ శతము
ఓ గూగులమ్మా!

కామెంట్‌లు

Naga చెప్పారు…
వీటిని చదవకుండా, మానసులోనేపాడుకున్నాను... బాగున్నాయి
4:46 PM, సెప్టెంబర్ 06, 2007
కొత్త పాళీ చెప్పారు…
బలే బలే .. ఇలా అంచెలంచెలుగా ఐనా వందా రాయి (అమనకి వంద అంటే నూటెనిమిది, తెలుసుగా? :-)) మొదటిదైతే .. బ్రహ్మాండం .. శాశ్వతింబిల నాస్తి లైను కూడా ఛ్ఛాలా బావుంది.
మానసుల జీవించు .. ఆ లైను అతకలేదు. ఇంకో అమరికేదైనా చూడు.
8:01 PM, సెప్టెంబర్ 06, 2007
lalithag చెప్పారు…
రానారె,
"గురువు" గారికన్నా చెప్ప గలిగేది ఏముంటుంది.

చాలా బాగున్నాయి. చదివి ఆనందిచి ఊరుకునే దాన్నే. వ్యాఖ్య రాయడానికి కారణం ఇది.
పోయిన సారి రాసినవి చూశాను. అవి పూర్తిగా గూగులమ్మ తల్లి కి సంబంధించిన విషయాలే ఉన్నాయి. ఈ సారి పద్యాలు గూగులమ్మ పదాలే అయినా పూర్తిగా భిన్నమైన అంశాలు తీసుకుని రాశారు?
7:57 AM, సెప్టెంబర్ 07, 2007
spandana చెప్పారు…
చివరి దానిలో కాస్తా సంస్కృత పదాలు ఎక్కువయ్యాయి. కూనలమ్మ పదాల అందం సామాన్య వాడుక పదాల వాడుక వల్ల కూడా కదా?

--ప్రసాద్
http://blog.charasala.com
9:03 AM, సెప్టెంబర్ 07, 2007
రవి వైజాసత్య చెప్పారు…
ఇలాంటి పదాలక్కూడా ఛందస్సులుంటాయా? ఎల్కేజీ ప్రశ్నను పెద్దవాళ్ళు క్షమించాలి. సంస్కృత పదాలైనా చివరిద,ీ బాగానే కుదిరిందనిపించింది నాకు.
9:24 AM, సెప్టెంబర్ 07, 2007
రానారె చెప్పారు…
నాగరాజగారు, ఈ ఆరు పదాలూ రాయడానికి నేనూ ఒక ట్యూన్ పాడుకుంటూ ఉన్నాను. తద్ధిమిత-తకధిమిత అనే ఈ పదిమాత్రలనూ అటూ-ఇటూ మార్చి వాటిస్థానంలో పదాలు వేస్తూ పోయాను. ఆ రిథమ్ (నడక/తాళం?) మీ దృష్టికి వచ్చినందుకు సంతోషం కలిగింది. సినారె కూడా పద్యాలు రాయడం ఇలాగే ప్రారంభించారట. ఒకసారి రేడియోలో చెప్పారు. వాళ్లింట్లో అందరూ ఎప్పుడూ ఏవో పద్యాలు (అమరం, శతకాలు, భాగవతం, ...) చదువుతూనే, పాడుతూనే, వింటూనే ఉండేవారట. అవి వినీవినీ పద్యం నడక అలవాటైపోయి ఛందస్సు తెలియకుండానే ఆయన రాయడం ప్రారంభించేశారట. జ్ఞానపీఠాన్ని అధిరోహించారు.

గురువుగారు, థాంక్యూ వెరీమచ్. మానసుల అన్నపదం "తల్లీ!ఆనందాన్ని పంచే ఆలోచనలు చేసేటటువంటి ...మనసుగలవారిలో జీవించవమ్మా" అనే అర్థం తెస్తుందని రాశాను. ఐనాసరే అతకలేదని మరొక్కసారి చెప్పారంటే మార్చేస్తాను.

లలితగారు, అడిగినందుకు చాలా సంతోషం. మొదటగా గూగులమ్మ ప్రశస్తి చేశాను. తరువాత మా గురువుగారి కోరికమేరకు 'శతము' వ్రాయాలనుకొని పరిధిని విస్తరించాను. కేవలం శోధనాంత్రంగా (search engine)పరిగణించకుండా, ఒక 'గ్రామదేవతగా' చేసి, ఆమెకు నవభక్తుడనై [కాళికి దాసులాగా] మిగతా వ్యాసంగం కొనసాగించే 'దీమసము'నిమ్మని కోరాను. ఇస్తుందేమో చూడాలి. :-)

ప్రసాద్‌గారు, మీరన్నది నిజమే. కానీ ఆరుద్రగారి కూనలమ్మపదాల పరిధిని దాటి నేను వెళ్లలేదు. ఆయన తెలుగు, సంస్కృతాలేకాదు, ఆంగ్లపదాలూ వాడారు. వాటిని చూసి నేనూ గూగులమ్మ దగ్గర కొద్దిగా చనువుతీసుకున్నాను. "ఆరుద్రయే స్ఫూర్తి - రానారె విద్యార్థి"!

రవీ, ఈ పదాలకూ కొన్ని నియమాలున్నాయి. అవి ఆరుద్ర పెట్టిన నియమాలు. నేను వాటిని గుర్తించి అనుసరిస్తున్నాను. ఈమాత్రానికే క్షమాభిక్ష పెట్టడానికి మనసొప్పడంలేదు. :-)
10:17 AM, సెప్టెంబర్ 07, 2007
సిరిసిరిమువ్వ చెప్పారు…
బాగున్నాయి మీ గూగులమ్మ పదాలు. పోయినసారి వాటికన్నా వైవిధ్యంగా ఉన్నాయి. keep it up. ఇలాగే అంచెలంచెలుగా శతకం పూర్తిచేయండి.
1:34 AM, సెప్టెంబర్ 08, 2007
మెహెర్ చెప్పారు…
చాలా బావున్నాయి మీ గూగులమ్మ పదాలు.
3:58 AM, సెప్టెంబర్ 08, 2007
కొత్త పాళీ చెప్పారు…
ఓహో, అలాగా, అర్ధమైంది. .. అయినా ఎందుకో .. మానసుల జీవించు అనే వాడుక మింగుడు పడటల్లేదు. "మనసులో జీవించు" అంటే ఎలా ఉంటుంది .. నడక తప్పలేదు కదా .. నువ్వు కోరిన భావం వస్తుందా?
8:57 PM, సెప్టెంబర్ 08, 2007
రానారె చెప్పారు…
రైఠో! "మనసులో" బాగుంది. మార్చేశాను.
1:12 AM, సెప్టెంబర్ 10, 2007
Madhu చెప్పారు…
Chala bagundi golugulamma padalu, kadapalo sankrathi timelo gobbiyalu pedutharu kada are they realted!
8:36 AM, సెప్టెంబర్ 12, 2007
S చెప్పారు…
గూగులమ్మ పదాలు... బాగుంది బాగుంది పేరు.. :)
10:09 PM, సెప్టెంబర్ 18, 2007
అజ్ఞాత చెప్పారు…
రానారే గారు,
మీ గూగులమ్మ పదాలు బాగున్నాయి . అంకెలతో 9/10. (తెలుగు లో పదికి పది వెయ్యరు మరి.) మిగతా వాయిదాలకోసం ఎదురుచూస్తుంటా. ఎక్కడో మొదలు పెట్టి ఇక్కడ వచ్చి వాలాను.

దొరికనని లంకె
మరి బోవనావంకె
అద్దరిజేరె నెలవంకె
ఓ గూగులమ్మ!

అనిపించింది నాచేత
11:57 PM, సెప్టెంబర్ 18, 2007
రానారె చెప్పారు…
@Madhu: They are not related! :)

@ఊకదంపుడు: "తెలుగు లో పదికి పది వెయ్యరు మరి" - ఈ మాట మనం తెలుగుపరీక్ష యమాగా రాశామనుకున్నప్పుడు తెలుగుటీచరు చెప్పేవారు. మళ్లీ ఇప్పుడు మీరే. థాంక్సండీ.
5:35 PM, సెప్టెంబర్ 20, 2007

కామెంట్‌ను పోస్ట్ చేయండి

ఇక్కడ తెలుగులో వ్యాఖ్యనించడం ఎలాగో మీకు తెలియలేకపోతే, అంకెలతో వ్యాఖ్యానించవచ్చు. నచ్చింది 5/10. చాలా బాగుంది 7/10 ఇలాగ.

ఈ బ్లాగ్ నుండి ప్రసిద్ధ పోస్ట్‌లు

విజయా వారి విజయపతాక

నేనింతవరకూ పాతాళభైరవి పూర్తిగా చూడలేదు. నాదగ్గరున్న పాత సీడీలను సర్దుతుండగా కంటబడిందీరోజు. చూద్దామని కుదురుగా కూర్చున్నాను. సెన్సారువారి యోగ్యతాపత్రం తరువాత విజయావారి పతాక. యుద్ధభేరి మోగుతుండగా రెపరెపలాడే జెండాపై కపిరాజు. మిస్సమ్మ, గుండమ్మకథ, మాయాబజార్లను ఎన్నోసార్లు చూసివుంటానుగానీ ఈ 'పతాక' సన్నివేశంలో మాత్రం ప్రతిసారీ కపిరాజును చూడటంతోనే సరిపోయేది. రెపరెపలాడే ఆ జెండా చుట్టూ ఒక సంస్కృత సూక్తము వున్న సంగతిని ఈరోజు గమనించాను. సినిమాను అక్కడ ఆపి, అదేమిటో చదివాను "क्रियासिद्धि स्सत्वे भवति". క్రియాసిద్ధి స్సత్వే భవతి - విడివిడిగా ఒకో పదానికి అర్థం సుమారుగా తెలుస్తోందిగానీ మొత్తానికి భావమేమిటో అందలేదు. గూగులమ్మనడిగాను. "క్రియాసిద్ధిః సత్వే భవతి మహతాం! న ఉపకరణే" - ఈ సుభాషిత సారం విజయావారి నినాద మయ్యిందన్నమాట. "మహానుభావుల విజయం/సత్తా వారి స్వశక్తి/క్రియల వల్ల సిద్ధిస్తుందిగానీ, వాడే ఉపకరణాల వల్ల కాదు" - అని అర్థం చేసుకోవచ్చు. విజయావారి విజయాలను చూస్తే ఇది వారేదో ఫ్యాన్సీగా పెట్టుకున్న నినాదం కాదనిపిస్తుంది. పూర్తి శ్లోకం ఇదీ: విజేతవ్యా లంకా చరణతరణీయా జల...
మరింత చదవండి

ఉత్పలమాల - గురువు - లఘవు

భండన భీముడా ర్తజనబాంధవు డుజ్వల బాణ తూణ కో దండకళా రప్రచండ భుజతాండవ కీర్తికి రామ మూర్తికిన్ రెండవ సాటి దైవమిక లే డనుచున్ గడగట్టి భేరికా డాండ డడాండ డాండ నినదమ్ము లజాండము నిండ మత్త వేదండమునెక్కిచాటెదను దాశరథీ కరుణా పయోనిధీ! చిన్నప్పుడు మా నాయన నేర్పిన పద్యం ఇది. అర్థంతో సహా నేర్పారు కాబట్టి ఇంకా గుర్తుంది. పద్యం నాలుగు పాదాలూ రాశానుగానీ, పాదాలను ఎక్కడబడితే అక్కడ అమ్మతోడుకూడాలేకుండా అడ్డంగా నరికేసినట్లున్నాను. ఇలా కాదుగాని ఒక మహాప్రయత్నం చేసి ఛందోబధ్దంగా నాలుగు పాదాలు ఒకేపొడవులో వుండేట్టుగా నిలబెట్టాలని మొదలుబెట్టాను. మనం చిన్నప్పుడు అంటే తొమ్మిది, పదవ తరగతుల్లో చదువుకుని మరచిపోతామేమో నని కొంచెం బెంగపడిన ఛందస్సు పునరావలోకనం. పద్యంలో ఒక తప్పున్నా ఛందస్సు చెడిపోతుంది కదా. నాకు తెలిసి ఈ పద్యం నేను తప్పులు లేకుండా రాసినానని గట్టి నమ్మకం. ముందుగా - "యమాతారాజభానసలగం" అనుకొన్నాను. ఎక్కడో విన్న వాసన తగులుతోందా? లేక ఏమిటిది కపాలమాంత్రికుని మహామంత్రం లాగ వుందే అంటారా? తెలుగు వర్ణమాల నేర్చుకోవడంలో ఓనమాలు ఏమిటో (ఈ కాలంలో అఆఇఈ ఏమిటో), తెలుగు ఛందస్సు నేర్చుకోవడంలో "యమాతారాజభానసలగం" అల...
మరింత చదవండి

వేదంలో సైన్సు - సైన్సులో వేదాంతం

వేదాల్లో సైన్సును వెతకండిగానీ సైన్సులో వేదాలను వెతక్కండన్నాడొక పెద్దాయన. అది చేతకానప్పుడు ఇదైనా చెయ్యాలిగదా? ఇప్పుడు నేను చెయ్యబోతున్నది ఆలాంటిదే. 2009 ఫిబ్రవరిలో కొత్తపాళీగారి బ్లాగులో "స్థితప్రజ్ఞత" అనే టపా వచ్చింది. అందులో ముఖ్యమైనదిగా నాకు తోచిన వాక్యం - "క్రమశిక్షణతో కూడిన ఒక వైరాగ్యాన్ని పెంపొందించుకో గలిగితే తదనుగుణంగా మన అంతశ్శక్తిని నిక్షేపించుకుని, దాచుకుని, అంతిమంగా కీలకమైన లక్ష్యసాధనకి వినియోగించుకోవచ్చు." 2010 ఫిబ్రవరి వచ్చాక చూసుకుంటే, గడచిన యేడాది కాలంలో క్రమశిక్షణ లేదు. వైరాగ్యం లేదు. ఇవి రెండూ లేకపోవడంవల్ల అంతశ్శక్తీ లేదు. కనీసం, అంతిమంగా కీలకమైన లక్ష్యం యేమిటో తెలుసునా అంటే అదీతెలీదు. క్రమశిక్షణా అంతశ్శక్తీ ఎంతోకొంత తిరిగి సాధించినా, లక్ష్యం ఏమిటో తెలీడంలేదు. నా లక్ష్యం ఏమిటో మీకేమైనా తెలుసా? అని ఎవరినయినా అడిగితే బాగుండదేమో. ఇంతకూ, మీకు అంతిమంగా కీలకమైన లక్ష్యం ఏమిటి? A. నాకు తెలీదు B. ఆ భగవంతుడే నిర్ణయిస్తాడు C. అక్కర్లేదు నా కిలాగే బాగుంది D. తిన్నామా పడుకున్నామా తెల్లారిందా E. ప్రతిరోజూ క్రమశిక్షణనూ, అంతశ్శక్తినీ సాధించడమే F. సృష్టికార్యంలో ఆ ప...
మరింత చదవండి