గూగులమ్మ పదాలు
గురువుగారూ, మీరిచ్చిన ఎసైన్మెంటు మొదటి వాయిదా:
నాయకుడి ఒడిలోన
మతకలహమొక కూన
రాజకీయము జాణ
ఓ గూగులమ్మా!
ఆనందమును పంచు
ఆలోచనల పెంచు
మనసులో జీవించు
ఓ గూగులమ్మా!
పెట్టడమ్మా కేసు
ట్రాఫిక్కు పోలీసు
వందనోటులె కీసు
ఓ గూగులమ్మా!
కొట్టి తెచ్చిన ఆస్తి
కొల్లబోవుటె శాస్తి
శాశ్వతం బిల నాస్తి
ఓ గూగులమ్మా!
కొమ్ము పెరిగిన ఎద్దు
కుమ్మజూసిన పొద్దు
తాకునొక పిడిగుద్దు
ఓ గూగులమ్మా!
తొలగించి తామసము
కలిగించి దీమసము
వ్రాయించు నీ శతము
ఓ గూగులమ్మా!
నాయకుడి ఒడిలోన
మతకలహమొక కూన
రాజకీయము జాణ
ఓ గూగులమ్మా!
ఆనందమును పంచు
ఆలోచనల పెంచు
మనసులో జీవించు
ఓ గూగులమ్మా!
పెట్టడమ్మా కేసు
ట్రాఫిక్కు పోలీసు
వందనోటులె కీసు
ఓ గూగులమ్మా!
కొట్టి తెచ్చిన ఆస్తి
కొల్లబోవుటె శాస్తి
శాశ్వతం బిల నాస్తి
ఓ గూగులమ్మా!
కొమ్ము పెరిగిన ఎద్దు
కుమ్మజూసిన పొద్దు
తాకునొక పిడిగుద్దు
ఓ గూగులమ్మా!
తొలగించి తామసము
కలిగించి దీమసము
వ్రాయించు నీ శతము
ఓ గూగులమ్మా!
కామెంట్‌లు
మానసుల జీవించు .. ఆ లైను అతకలేదు. ఇంకో అమరికేదైనా చూడు.
"గురువు" గారికన్నా చెప్ప గలిగేది ఏముంటుంది.
చాలా బాగున్నాయి. చదివి ఆనందిచి ఊరుకునే దాన్నే. వ్యాఖ్య రాయడానికి కారణం ఇది.
పోయిన సారి రాసినవి చూశాను. అవి పూర్తిగా గూగులమ్మ తల్లి కి సంబంధించిన విషయాలే ఉన్నాయి. ఈ సారి పద్యాలు గూగులమ్మ పదాలే అయినా పూర్తిగా భిన్నమైన అంశాలు తీసుకుని రాశారు?
--ప్రసాద్
http://blog.charasala.com
గురువుగారు, థాంక్యూ వెరీమచ్. మానసుల అన్నపదం "తల్లీ!ఆనందాన్ని పంచే ఆలోచనలు చేసేటటువంటి ...మనసుగలవారిలో జీవించవమ్మా" అనే అర్థం తెస్తుందని రాశాను. ఐనాసరే అతకలేదని మరొక్కసారి చెప్పారంటే మార్చేస్తాను.
లలితగారు, అడిగినందుకు చాలా సంతోషం. మొదటగా గూగులమ్మ ప్రశస్తి చేశాను. తరువాత మా గురువుగారి కోరికమేరకు 'శతము' వ్రాయాలనుకొని పరిధిని విస్తరించాను. కేవలం శోధనాంత్రంగా (search engine)పరిగణించకుండా, ఒక 'గ్రామదేవతగా' చేసి, ఆమెకు నవభక్తుడనై [కాళికి దాసులాగా] మిగతా వ్యాసంగం కొనసాగించే 'దీమసము'నిమ్మని కోరాను. ఇస్తుందేమో చూడాలి. :-)
ప్రసాద్‌గారు, మీరన్నది నిజమే. కానీ ఆరుద్రగారి కూనలమ్మపదాల పరిధిని దాటి నేను వెళ్లలేదు. ఆయన తెలుగు, సంస్కృతాలేకాదు, ఆంగ్లపదాలూ వాడారు. వాటిని చూసి నేనూ గూగులమ్మ దగ్గర కొద్దిగా చనువుతీసుకున్నాను. "ఆరుద్రయే స్ఫూర్తి - రానారె విద్యార్థి"!
రవీ, ఈ పదాలకూ కొన్ని నియమాలున్నాయి. అవి ఆరుద్ర పెట్టిన నియమాలు. నేను వాటిని గుర్తించి అనుసరిస్తున్నాను. ఈమాత్రానికే క్షమాభిక్ష పెట్టడానికి మనసొప్పడంలేదు. :-)
మీ గూగులమ్మ పదాలు బాగున్నాయి . అంకెలతో 9/10. (తెలుగు లో పదికి పది వెయ్యరు మరి.) మిగతా వాయిదాలకోసం ఎదురుచూస్తుంటా. ఎక్కడో మొదలు పెట్టి ఇక్కడ వచ్చి వాలాను.
దొరికనని లంకె
మరి బోవనావంకె
అద్దరిజేరె నెలవంకె
ఓ గూగులమ్మ!
అనిపించింది నాచేత
@ఊకదంపుడు: "తెలుగు లో పదికి పది వెయ్యరు మరి" - ఈ మాట మనం తెలుగుపరీక్ష యమాగా రాశామనుకున్నప్పుడు తెలుగుటీచరు చెప్పేవారు. మళ్లీ ఇప్పుడు మీరే. థాంక్సండీ.
కామెంట్‌ను పోస్ట్ చేయండి
ఇక్కడ తెలుగులో వ్యాఖ్యనించడం ఎలాగో మీకు తెలియలేకపోతే, అంకెలతో వ్యాఖ్యానించవచ్చు. నచ్చింది 5/10. చాలా బాగుంది 7/10 ఇలాగ.