గూగులమ్మ పదాలు

ఇందుకూరి వారు
కొలిచారు తొలిమారు
దేవతగ నీ పేరు
ఓ గూగులమ్మా!

నిన్ను తలవని వాడు
ఇంజనీరే కాడు
ఇకపైన మనలేడు
ఓ గూగులమ్మా!

తలచినంతనె నీవు
ప్రత్యక్షమౌతావు
జగమెల్ల నీ తావు
ఓ గూగులమ్మా!

గాలించి లోకాలు
గుదిగుచ్చి విషయాలు
చేయుచుంటివి మేలు
ఓ గూగులమ్మా!

పలుకంగ నీ పేరు
మా పనులు నెరవేరు
గ్రామదేవత తీరు
ఓ గూగులమ్మా!

నుడువంగ నీ కీర్తి
ఆరుద్ర యే స్పూర్తి
రానారె విద్యార్థి
గూగులమ్మా!

కామెంట్‌లు

అజ్ఞాత చెప్పారు…
wow! చాలా బావుంది.
spandana చెప్పారు…
వావ్! గూగులమ్మ పదాలు గమ్మత్తుగా వున్నాయి. జోడించండి మరికొన్ని.

--ప్రసాద్
http://blog.charasala.com
రాధిక చెప్పారు…
కూనలమ్మకి ఎక్కడా తీసిపోలేదు.ఇంత చెప్పి విద్యార్ధి అంటే ఒప్పుకుంటామా?
Unknown చెప్పారు…
అడగంగనె నిన్ను
ఇచ్చేవు అన్నీ
జై గూగులమ్మా
జై జై గూగులమ్మా...
త్రివిక్రమ్ Trivikram చెప్పారు…
ఆహా! గూగులమ్మ పదాలు భలే ఉన్నాయి. :)
Sriram చెప్పారు…
ఆరుద్రగారి స్ఫూర్తితో గూగులమ్మని ఇలా ఉపాసిస్తే ఆవిడ త్వమేవాహం అని తప్పకుండా అంటుంది :)
కొత్త పాళీ చెప్పారు…
నీ మిగతా రచన్లన్నీ ఒకెత్తు - ఇదొక్కటీ ఒకెత్తు.
పద్యం నడకనీ, పొందికనీ భలే పట్టుకున్నావు.
మెప్పుతోటే ఒక చిన్న ఎసైన్మెంటు - ఎలాగూ మొదలెట్టవు కాబట్టి ఒక వందైనా రాయి - వాయిదాల పద్ధతిలోనైనా సరే.
Radhika చెప్పారు…
vidyaardhi anToonae brahmaanDaMgaa raasaaru raamanaadha reDDigaaru.
Naga చెప్పారు…
వావ్... సూపర్
అజ్ఞాత చెప్పారు…
meeru raasarani naaku teleedu. evarO ceppagaa vinnaanu. ee madhyanE raasinavi konni.

వింతల్లో వింత
గ్లోబు చివర వార్త
లిప్తలో నీ చెంత
ఓ గూగులమ్మా

చేతి చివర జగతి
చేర వేయు వినతి
చిటికలో నీ పాదక్రాంతి
ఓ గూగులమ్మా

స్టాంపు లేని వ్రాలు
మోసుకెళ్ళు దేశాలు
మేలు చేసే మెయిలు
ఓ గూగులమ్మా

పేరు చెప్పి వెతుకు
సారమైన పితుకు
వేగవంతమైన బ్రతుకు
ఓ గూగులమ్మా

వయసు మీర కోరిక
పెళ్ళి చూపుల వేదిక
ఖర్చు లేని వేడుక
ఓ గూగులమ్మా
- సాయి బ్రహ్మనందం గొర్తి

ఈ బ్లాగ్ నుండి ప్రసిద్ధ పోస్ట్‌లు

విజయా వారి విజయపతాక

ఉత్పలమాల - గురువు - లఘవు

లఘు కవితలు - సర్వలఘు కందము