గురుభ్యో నమ:

ఆ.వె
కొత్తపాళి యొకటి కోరినంతనె వచ్చి
చిత్తగించె నాదు చిన్ని కోర్కె!
ఆటవెలది మదిని ఆంతర్యమేమిటో
తేటతెల్లమాయె తెలిసికొనగ!!

ఆ.వె
నీరు తడుపలేదు నిప్పు కాల్పగలేదు
హార్టువేరు చెడును "సాఫ్టు" చెడదు!
ఆత్మ సాఫ్టువేరు అన్నాడు రానారె
ఆలమేల! అన్ని ఆశలేల!?

నాలుగు పాదాలలో యతి, గణాలు:

1 వ పాదం యతి - [నీరు - నిప్పు]
నీరు - UI
తడుప - III
లేదు - UI
నిప్పుకాల్ - UIU(ర)
పగలేదు - IIUI(సల)
3ఇన 2ఇంద్ర

2 వ పాదం యతి [హార్టు - సాఫ్టు]
హార్టు - UI
వేరు - UI
చెడును - III
"సాఫ్టు" - UI
చెడదు! - III
5ఇన

3వ పాదం యతి [ఆత్మ - అన్నాడు]
ఆత్మ - UI
సాఫ్టు - UI
వేరు - UI
అన్నాడు - UUI(త)
రానారె - UUI(త)
3ఇన 2ఇంద్ర

4వ పాదం యతి [ఆల - ఆశ]
ఆల - UI
మేల - UI
అన్ని - UI
ఆశ - UI
లేల - UI
5ఇన



స్వాతిగారికి, కొత్తపాళీ గారికి, తెవికీకి కృతజ్ఞతలతో.

కామెంట్‌లు

spandana చెప్పారు…
కవి రానారె అయిపోయారన్నమాట.

పద్యాలు బాగున్నాయి. ఇంకేం ఎత్తిన కలం దించకండి.

--ప్రసాద్
http://blog.charasala.com
Sriram చెప్పారు…
Congratulations! expecting more from you....
కొత్త పాళీ చెప్పారు…
వహవా, సెభాష్!
షెల్లీకవనపు హల్లీసకమూ
ఫ్రెంచిగీతుల మంచిరీతులు
మోహినీ గంధర్వగానం కవీ, నీ పద్యాల్!

మరీ ఓవరైందా? ఒకే ఐతే ..

ఆటవెలదితోనె ఆశీర్వదింతు నీ
కవన రీతి మరియు కార్య దీక్ష
రాగమతిశయింప రంజైన పద్యాలు
రాయుచుండు నీవు రామనాథ
సిరిసిరిమువ్వ చెప్పారు…
వాహ్
తాతా మనవళ్ళ పద్యాలు కడు బాగు బాగు.
రానారే మంచి పురోభివృద్ది. ఇక విజృంభించు. తాతని(గురువుని)మించిన మనవడివి(శిష్యుడివి)అవ్వాలని ఆశీర్వదిస్తూ....
రానారె చెప్పారు…
అభినందనలు, ఆశీర్వాదాలు అందించిన మిత్రులకు, పెద్దలకు సవినయ వందనాలు.
జ్యోతి చెప్పారు…
వావ్ రాము,అదృష్టవంతుడివి.ద్రోణాచార్యుడులాంటి గురువు దొరికాడు. వదలక అర్జునుని వలె శిష్యరికం చేసి సాగిపో..
ఊకదంపుడు చెప్పారు…
ఐతే
ఆటవెలది మదిని ఆంతర్యమేమిటో
తేటతెల్లమయిందన్నమాట. నాకూ కాస్త చెబుదురూ

ఈ బ్లాగ్ నుండి ప్రసిద్ధ పోస్ట్‌లు

విజయా వారి విజయపతాక

ఉత్పలమాల - గురువు - లఘవు

లఘు కవితలు - సర్వలఘు కందము