Thursday, April 12, 2007

ఆటవెలదితో నా ఆటలు

ఆటవెలదినిగాని తేటగీతినిగాని
చెప్పవలెనను చిన్ని కోర్కెగలిగె!
చెప్పబోతినిగాని ఛందస్సుదెలియదే
యేమిసేతుర లింగ యేమిసేతు!!

గంగిగోవుపాలు గరిటెడైననుచాలు
కడివెడైననేమి ఖరము పాలు!
భక్తిగలిగిన కూడు పట్టెడైనను చాలు
విశ్వదాభిరామ వినుర వేమ!!

వేమన పద్యాలు వినీవినీ ఆ నడకలోనే నేను మాత్రం ఒక పద్యం నడపలేనా అనిపించి ఇలా నడిపించేశాను. ఇది ఆటవెలదియో లేక ఆట"వెలది" అయిందో తెలియజేసి పెద్దలు తమ ఆశీర్వాదాలో లేదా "అక్షింతలో" ప్రసాదించ ప్రార్థన. వాటితో పాటు ఆటవెలది లక్షణాలేమిటోకూడా తెలిసినవారు వివరించవలసిందని అర్థిస్తున్నాను. కృతజ్ఞతలు.
- రానారె

4 comments:

Jabali said...

నాకూ చందస్సు తెలియదు గాని పద్యం నడక చాలా బగుంది.విన సొంపుగావుంది.లింగడు తప్పక ఆశీర్వదిస్తాడు.
జాబాలిముని

రానారె said...

జాబాలిమునిగారూ, మీ ఆశీర్వచనం ఫలించింది. ధన్యుణ్ణి. :)

రాకేశ్వర రావు said...

మీరు ఇప్పటి వఱకూ ఆటవెలది వ్రాయలేదా ?
చాలా ఆశ్చర్యంగా వుందే. అన్నిటికైనా తేలికైన పద్యరీతి.
భువనవిజయానికి సీసాలు బద్దలగొట్టారు మఱి, ఆటవెలది పెద్ద లెక్క కాదు. తెవికీలో చూడండి ఛందస్సు.

ఆట-వెలది-గాని -- తేటగీ-తినిగాని
చెప్ప-చూడ-చిన్ని -- కోర్కె-గలిగె!
చెప్ప-బోతి-గాని -- ఛందస్సు-దెలియదే
యేమి-సేతు-లింగ -- యేమి-సేతు!!
ఇలా మారిస్తే గణాలు సరిపోతాయి (౨,౩ లలోఁ యతి కుదరలేదు)

రానారె said...

కాదు రాకేశ్వరా, నేను ముందుగా ప్రయత్నించినది ఆటవెలదినే. ఈ టపా సంవత్సరం కిందటిది. నిన్న నా పాత టపాలు అలా తిరగేస్తూవుంటే జాబాలిమునిగారి ఆశీర్వాదం కనబడింది. ఈ సంవత్సర కాలంలో ఆట,తేట,కంద,సీసాలను నాలుగింటిని రాయగలిగాను. ఇప్పుడైనా కృతజ్ఞతలు చెబుదామని, ఆశీర్వాదం ఫలించిందని రాశాను. ఈ టపా కట్టిన మూడురోజుల తరువాత నేను రాసిన మొదటి ఆటవెలది ఇదుగో.

Post a Comment

ఇక్కడ తెలుగులో వ్యాఖ్యనించడం ఎలాగో మీకు తెలియలేకపోతే, అంకెలతో వ్యాఖ్యానించవచ్చు. నచ్చింది 5/10. చాలా బాగుంది 7/10 ఇలాగ.