అమృతభరితము రామచరితము

దేవులపల్లి కృష్ణశాస్త్రిగారి పదాలకు పాలగుమ్మి విశ్వనాథంగారు స్వరాలద్దిన ఈ పాట... పాపం, నాకు నచ్చింది, నా నోటబడింది. ముందుగానే చెప్పి చేస్తున్నాను గనుక పూచీ నాది కాదు.


powered by ODEO

ఎన్ని సారులు అన్ననూ ఎన్నెన్ని తీరులు విన్ననూ
అన్నకొలదీ విన్నకొలదీ అమృత భరితము రామచరితము
ఎన్ని సారులు అన్ననూ ఎన్నెన్ని తీరులు విన్ననూ

కలముపట్టి కవివరేణ్యులు గళమువిప్పి గాయకులు నీ
మధురనామము కొలువగా మైమరచినిను ధ్యానించగా
వెలసెనెన్నో పాటలు నినుజేరుటకు విరిబాటలు

బ్రతుకు బరువై సుఖము కరువై అలసిసొలసిన వేళలా
యే దారిలేని ఎడారిలో ....
యే దారిలేని ఎడారిలో ఆధారమైనది నీదు నామము

కొవ్వలిగారు ఈ పాటను మరింత శ్రద్ధగా పాడారు. ఈ లలితగీతాన్ని పరిచయం చేసినందుకు వారికి కృతజ్ఞతలు.ఆయన గాత్రం వినండి.

కామెంట్‌లు

గురువుని మించిన శిష్యుడంటే ఇదా?
ఈ పోస్టుని ఇన్నాళ్ళూ ఎలా చూడలేకపోయానో?
కామేష్ చెప్పారు…
గురుశిష్యులిరువురూ అదరగొట్టేసారు. ఇలాగే కొనసాగించండి. ఎదురు చూస్తూ......
రానారె చెప్పారు…
ఆచార్యా,
గురువును మించలేకనే పాట నడకను వేగవంతం చేసి, తాళం జతచేసి, లల్లాయిగా పాడేయటం జరిగింది. గురువుగారి పాటలో నిజంగానే బ్రతుకు బరువైనట్లు, సుఖం కరువైనట్లు, ఏ దారీలేనపుడు రామనామమే ఆధారమైనట్లుగా అనిపిస్తుంటే, శిష్యుడి పాటలో ఇవన్నీ తాళంకోసం జరిగినట్లుగా లేవూ! గువురుగారిలా పాడాలని ఐదో తేదీనుండి ప్రయత్నించి, చేతకాక ఈరోజే ఇలా పూర్తిచేశాడు శిష్యుడు. అందుకే ఈ పోస్టు ఇన్నాళ్లూ బయటకు రాలేదు. థాంక్యూ కామేశ్ గారూ.

ఈ బ్లాగ్ నుండి ప్రసిద్ధ పోస్ట్‌లు

విజయా వారి విజయపతాక

ఉత్పలమాల - గురువు - లఘవు

లఘు కవితలు - సర్వలఘు కందము