అమృతభరితము రామచరితము
దేవులపల్లి కృష్ణశాస్త్రిగారి పదాలకు పాలగుమ్మి విశ్వనాథంగారు స్వరాలద్దిన ఈ పాట... పాపం, నాకు నచ్చింది, నా నోటబడింది. ముందుగానే చెప్పి చేస్తున్నాను గనుక పూచీ నాది కాదు.
విజయా వారి విజయపతాక
నేనింతవరకూ పాతాళభైరవి పూర్తిగా చూడలేదు. నాదగ్గరున్న పాత సీడీలను సర్దుతుండగా కంటబడిందీరోజు. చూద్దామని కుదురుగా కూర్చున్నాను. సెన్సారువారి యోగ్యతాపత్రం తరువాత విజయావారి పతాక. యుద్ధభేరి మోగుతుండగా రెపరెపలాడే జెండాపై కపిరాజు. మిస్సమ్మ, గుండమ్మకథ, మాయాబజార్లను ఎన్నోసార్లు చూసివుంటానుగానీ ఈ 'పతాక' సన్నివేశంలో మాత్రం ప్రతిసారీ కపిరాజును చూడటంతోనే సరిపోయేది. రెపరెపలాడే ఆ జెండా చుట్టూ ఒక సంస్కృత సూక్తము వున్న సంగతిని ఈరోజు గమనించాను. సినిమాను అక్కడ ఆపి, అదేమిటో చదివాను "क्रियासिद्धि स्सत्वे भवति". క్రియాసిద్ధి స్సత్వే భవతి - విడివిడిగా ఒకో పదానికి అర్థం సుమారుగా తెలుస్తోందిగానీ మొత్తానికి భావమేమిటో అందలేదు. గూగులమ్మనడిగాను. "క్రియాసిద్ధిః సత్వే భవతి మహతాం! న ఉపకరణే" - ఈ సుభాషిత సారం విజయావారి నినాద మయ్యిందన్నమాట. "మహానుభావుల విజయం/సత్తా వారి స్వశక్తి/క్రియల వల్ల సిద్ధిస్తుందిగానీ, వాడే ఉపకరణాల వల్ల కాదు" - అని అర్థం చేసుకోవచ్చు. విజయావారి విజయాలను చూస్తే ఇది వారేదో ఫ్యాన్సీగా పెట్టుకున్న నినాదం కాదనిపిస్తుంది. పూర్తి శ్లోకం ఇదీ: విజేతవ్యా లంకా చరణతరణీయా జల...
కామెంట్‌లు
ఈ పోస్టుని ఇన్నాళ్ళూ ఎలా చూడలేకపోయానో?
గురువును మించలేకనే పాట నడకను వేగవంతం చేసి, తాళం జతచేసి, లల్లాయిగా పాడేయటం జరిగింది. గురువుగారి పాటలో నిజంగానే బ్రతుకు బరువైనట్లు, సుఖం కరువైనట్లు, ఏ దారీలేనపుడు రామనామమే ఆధారమైనట్లుగా అనిపిస్తుంటే, శిష్యుడి పాటలో ఇవన్నీ తాళంకోసం జరిగినట్లుగా లేవూ! గువురుగారిలా పాడాలని ఐదో తేదీనుండి ప్రయత్నించి, చేతకాక ఈరోజే ఇలా పూర్తిచేశాడు శిష్యుడు. అందుకే ఈ పోస్టు ఇన్నాళ్లూ బయటకు రాలేదు. థాంక్యూ కామేశ్ గారూ.
కామెంట్‌ను పోస్ట్ చేయండి
ఇక్కడ తెలుగులో వ్యాఖ్యనించడం ఎలాగో మీకు తెలియలేకపోతే, అంకెలతో వ్యాఖ్యానించవచ్చు. నచ్చింది 5/10. చాలా బాగుంది 7/10 ఇలాగ.