పొద్దుపోని యవ్వారం - 4

"ఇది విన్నారా, మహారాజు ఈరోజు కవిగారిని సన్మానించారట"
"ఊఁ"

"కాళ్లు కడిగి నీళ్లు నెత్తిన చల్లుకున్నారట"
"ఊఁ"

"గండపెండేరం తొడిగారట"
"ఊఁ"

"మదగజం పైన ఎక్కించి రాచవీధుల్లో ఊరేగించారట"
"కవులను ఎక్కించవలసిందే, ఏగించవలసిందే"

"ఏఁ?"
"వారంతట వారుగా ఏనుగుపైకి ఎక్కలేరు, ఊరేగలేరు. మావటీ కావలసిందే"

"అదే, ఎందుకని?"
"నిరంకుశాః కవయః అంటే ఏమిటనుకున్నావు?"

"రంకు లేని వాడే కవి"
"నీ మొహం. కవులకు రంకు అలంకారం"

"మరేమిటి దానర్థం?"
"నిరంకుశాః కవయః అంటే అంకుశం లేనివాడే అసలైన కవి"

"అంకుశం ఉన్నవాడు?"
"మావటిః"