గురుః దేవో నారాయణః
కం.
సుందరమై జగమంతయు
గంధపు పరిమళము నింపు కాంచనమయమౌ
కందము నీకై కూర్చితి
నందుకొనవయా మదీయ కవనాచార్యా!
సర్లేగానీ ఇంతకూ ఆ కందమెక్కడ అంటారా!? తెలుగు పద్యరీతుల్లో కందపద్యాన్ని కడు రమ్యమైనదని చెబుతారు కదా! ఆ మాటను పట్టుకొని అటు కందమునూ, ఇటు దాని మూలాలను నాకు తెలియపరచిన మా గురువుగారినీ గుర్తుచేసుకుంటూ ఈ పద్యం రాశాను. పద్యం చెప్పడమే సరిగా అలవడని నాలాంటివాడి చేతిలో కందంకూడా కందిపోయి అంత అందంగా కనిపించకపోవచ్చు. మొదట్లో కాస్త కష్టమనిపించినా పద్యపు నడకను పట్టుకున్నాక అలవోకగా చెప్పవచ్చునట. చదువరులకు కూడా కందపద్యం చాలా బాగుంటుంది-ట. సుమతీశతకపద్యాలన్నీ కందపద్యాలే.
నాలుగు పద్యాలనైనా ఖూనీ చెయ్యందే రాసే విద్య రాదుకదా. అందులో భాగంగా ఇటీవలే నేను చేసిన ఖూనీ సుజనరంజనమైనది. అక్కడే మన కేవీయస్ చెప్పిన పద్యాలు కూడా ఉన్నాయి. అవి బాగున్నాయి.
సుందరమై జగమంతయు
గంధపు పరిమళము నింపు కాంచనమయమౌ
కందము నీకై కూర్చితి
నందుకొనవయా మదీయ కవనాచార్యా!
సర్లేగానీ ఇంతకూ ఆ కందమెక్కడ అంటారా!? తెలుగు పద్యరీతుల్లో కందపద్యాన్ని కడు రమ్యమైనదని చెబుతారు కదా! ఆ మాటను పట్టుకొని అటు కందమునూ, ఇటు దాని మూలాలను నాకు తెలియపరచిన మా గురువుగారినీ గుర్తుచేసుకుంటూ ఈ పద్యం రాశాను. పద్యం చెప్పడమే సరిగా అలవడని నాలాంటివాడి చేతిలో కందంకూడా కందిపోయి అంత అందంగా కనిపించకపోవచ్చు. మొదట్లో కాస్త కష్టమనిపించినా పద్యపు నడకను పట్టుకున్నాక అలవోకగా చెప్పవచ్చునట. చదువరులకు కూడా కందపద్యం చాలా బాగుంటుంది-ట. సుమతీశతకపద్యాలన్నీ కందపద్యాలే.
నాలుగు పద్యాలనైనా ఖూనీ చెయ్యందే రాసే విద్య రాదుకదా. అందులో భాగంగా ఇటీవలే నేను చేసిన ఖూనీ సుజనరంజనమైనది. అక్కడే మన కేవీయస్ చెప్పిన పద్యాలు కూడా ఉన్నాయి. అవి బాగున్నాయి.
కామెంట్‌లు
నా గురువుగా మీకే అంకితం చేస్తా :)
వచ్చే ఒక సంవత్సరంలో ఇది ఎప్పుడైనా జరగవచ్చు :)
రాకేశ్వరా, మీకు సంవత్సరం అవసరం లేదు. సుజనరంజనిలో సమస్యాపూరణం ఉంది చూడండి. పద్యం-హృద్యం అనే శీర్షికన. కందపద్యంలోని ఒక పొడుగు పాదం వాళ్లే ఇచ్చేశారు. మిగతా మూడే మనం పూరించాల్సినవి. పుష్కలమైన మంచి ఆలోచనలుగల మీకు ఇది పెద్ద కష్టమేమీకాదు. పైగా ఛందస్సుకు సంబంధించిన ముడిసరుకు మీ మస్తిష్కంలో ఇప్పటికే ఉంది.
గంధపు పరిమళము నింపు కాంచనమా?
బంగారానికి తావి యబ్బినట్లు - బాగుంది.
అవును మంచి కందం కుందనపు బొమ్మే, దానికి గంధప్పూతే! నిజమే.
అన్నట్టు నీ - నా కందాల అనుబంధం ఎప్పుడో మొదలైంది నీకు గుర్తుందో లేదో - ఇక్కడ చూడు.
http://kottapali.blogspot.com/2007/03/blog-post_16.html
రానారె said...
బ్లాగుబోతుతనం మెండుగా ఉన్నవారిని బ్లాగ్పోతన అనడం సబబేగదా!? మీరు కవియైన సందర్భంలో మీకిదే మా బిరుదుసత్కారం. కందం కందంలానే రాశారు అందంగా, జిగటగా. బాగుంది. నేనూ ప్రయత్నిస్తా.
కొత్త పాళీ said...
క. కందాలకేమి భాగ్యము
వందైనా రాయ వచ్చు వడిగా, కానీ
ఛందస్సున వ్రాయుచునే
యందముగా వ్రాయవలెను యర్రపు రామా!
పద్యాలు చెప్పడానికి మీ ప్రయత్నం చూసిన తర్వాతే నేను మొదలెట్టా. మీరు చేసింది ఖూనీ ఐతే మరి నేను చేసినదాన్ని ఏమనాలో...
ఏమైతేనేం గురువుగారి మీద పద్యం చెప్పి మార్కులు కొట్టేసారు, మరి ఇంక మీదే ఫస్ట్ రేంకు. నేను ఇంక పంతులోరిని ఇంప్రెస్ చెయ్యడానికి ఇంటినుంచి యే జున్ను పాలో తేవలసిందే :)
కామెంట్‌ను పోస్ట్ చేయండి
ఇక్కడ తెలుగులో వ్యాఖ్యనించడం ఎలాగో మీకు తెలియలేకపోతే, అంకెలతో వ్యాఖ్యానించవచ్చు. నచ్చింది 5/10. చాలా బాగుంది 7/10 ఇలాగ.