గ్లాసుడు బియ్యంతో బ్రహ్మపదార్థం - పరబ్రహ్మస్వరూపం
ఇన్నాళ్లూ ముగ్గురు మిత్రులం ఒకే ఇంట్లో ఉండేవాళ్లం. మూడు లోటాల (గ్లాసుల) బియ్యం, ఏడు లోటాల నీళ్లుకలిపి గిన్నెలో పోసి మైక్రోవేవ్ఓవెన్‌లో పెడితే బ్రహ్మాండంగా అన్నం తయారయేది. ఈ రోజునుండీ ముగ్గురం మూడిళ్లు తీసుకొని ఉంటున్నాం. ఒక లోటా బియ్యం, రెండున్నర లోటాల నీళ్లు పెట్టి పరబ్రహ్మస్వరూపం కోసం ఆవురుమంటూ అరగంట సేపు ఎదురుచూడగా యం.ఆర్.ఎఫ్ టైరు లాంటి బ్రహ్మపదార్థం తయారైంది. దాన్నక్కడే పెట్టి ఇండియన్ రెస్టారెంట్‌కు వెళ్లి ఎప్పటిలా మటన్‌ బిరియానీ తిని ఇంటికొచ్చి, చల్లారిన బ్రహ్మపదార్థాన్ని చెత్తబుట్టలోకి చేర్చాను. ఇదే సమస్య నా ఇద్దరు మిత్రలదీనూ. పెద్దగిన్నె మార్చి చిన్నది పెట్టి చూశాను. నీళ్లు కొంచెం ఎక్కువపోసి చూశాను.
ఎన్ని చేసినా బ్రహ్మపదార్థమేగానీ పరబ్రహ్మస్వరూపం తయారవడంలేదు. తెలిసినవారెవరైనా ఒక్క గ్లాసుడు బియ్యంతో మైక్రోవేవ్ఓవెన్‌లో మెత్తని అన్నం వండే చిట్కా చెబితే మీ సహాయాన్ని గుర్తుంచుకుంటాను.
ధన్యవాదాలు.
-రానారె
ఎన్ని చేసినా బ్రహ్మపదార్థమేగానీ పరబ్రహ్మస్వరూపం తయారవడంలేదు. తెలిసినవారెవరైనా ఒక్క గ్లాసుడు బియ్యంతో మైక్రోవేవ్ఓవెన్‌లో మెత్తని అన్నం వండే చిట్కా చెబితే మీ సహాయాన్ని గుర్తుంచుకుంటాను.
ధన్యవాదాలు.
-రానారె
కామెంట్‌లు
ఆయినా మీరు నీళ్ళని కొద్దిగా ఎక్కువపోసారు అనిపిస్తోంది. కొద్దిగా తక్కువ పోసి, మధ్యలో అవసరమనిపిస్తే కలపండి.
నాగరాజా గారూ, మీ సలహా బాగుంది. థాంక్యూ.
చేతనగారు, నాకు చాలా పని తగ్గించేశారు. మీరు చెప్పిన కుకర్ షిప్‌మెంట్‌లో ఉంది. ఈరోజు అందాలి. థాంక్యూ వెరీమచ్. వచ్చాక వండిచూసి మళ్లీ థాంక్స్ చెబుతాను.
కామెంట్‌ను పోస్ట్ చేయండి
ఇక్కడ తెలుగులో వ్యాఖ్యనించడం ఎలాగో మీకు తెలియలేకపోతే, అంకెలతో వ్యాఖ్యానించవచ్చు. నచ్చింది 5/10. చాలా బాగుంది 7/10 ఇలాగ.