మనిషి

గడువు ముగిసేలోగా గడి తలుపులు తెరవడానికి నా ప్రయత్నం ఇదీ...

ఆయన ఏదో చెబుతున్నాడు. అర్థమౌతుందేమో చూద్దాం. ఏదిబడితేఅది మాట్లాడే మనిషికాదు. చెవులోగ్గి విందాం .

అధ్యక్షా! (YSR) ఇక్కడొక మాట చెప్పుకోవాలీ. మా ఆఫీసులో ఒక రోజు ఉన్నట్టుండి ఆడవాళ్లంతా చీరల్లో వచ్చారూ. ఏదో తేడాగా ఉందే అని నా సీనియర్ టీంమేట్ ఒకామెను విషయమడిగితే "ఈ రోజు విమెన్స్‌డే, తెలీదా" అన్నారధ్యక్షా. "అయితే మీ ఐక్యతా, సత్తా, చూపడం కోసరం ఇలా చీరల్లో వచ్చారా, బాగుంది, ఇంకేం చేస్తున్నారూ!?" అనడితే, "టీ టైం నుండి మీటింగ్. ఓన్లీ లేడీస్. మీరు మాత్రం పనిచెయ్యాల్సిందే. తర్వాత ఫోటోలు తీసుకొంటాం. తర్వాతేముందీ బస్సులెక్కి ఇళ్లకుపోతాం" అని ఆంగ్లంలో సమాధానం. నేను మొహం మాడ్చుకొని, "అంతేనా!! నిజంగా ఇబ్బందుల్లో ఉన్న మహిళలకోసం కాదన్నమాట. ఆల్రెడీ ఆనందంగా ఉన్నవాళ్ల ఆటవిడుపన్నమాట ఈ మహిళా దినోత్సవం", అన్నట్టుగా అంటే - "అరె ఏ కౌన్ రే, ఏ కౌన్ సా జమానాకా రే, భగవాన్, ఇస్ కో లేజాకే జరా సమ్‌ఝవోనా" (నాకు హిందీ రాదు, తమాషాగా ఉంటుందని నాకొచ్చిన హిందీ రాశాను) అన్నట్లు ఆ చుట్టుపక్కలున్న మరికొందరు చీరాంబరధారులైన మహిళామూర్తులు ఒకరి మొహాలోకరు చూసుకొని నన్నీసడించుకొన్నారు. ఆ తరువాత నాతోటివారలైన ఇతర పురుష పుంగవులు - "ఈ పిల్ల చీరలో భలే ఉందికదా!, ఆవిడ చీరలో ఇంతకుముం...

ఇన్నాళ్లూ ముగ్గురు మిత్రులం ఒకే ఇంట్లో ఉండేవాళ్లం. మూడు లోటాల (గ్లాసుల) బియ్యం, ఏడు లోటాల నీళ్లుకలిపి గిన్నెలో పోసి మైక్రోవేవ్ఓవెన్‌లో పెడితే బ్రహ్మాండంగా అన్నం తయారయేది. ఈ రోజునుండీ ముగ్గురం మూడిళ్లు తీసుకొని ఉంటున్నాం. ఒక లోటా బియ్యం, రెండున్నర లోటాల నీళ్లు పెట్టి పరబ్రహ్మస్వరూపం కోసం ఆవురుమంటూ అరగంట సేపు ఎదురుచూడగా యం.ఆర్.ఎఫ్ టైరు లాంటి బ్రహ్మపదార్థం తయారైంది. దాన్నక్కడే పెట్టి ఇండియన్ రెస్టారెంట్‌కు వెళ్లి ఎప్పటిలా మటన్‌ బిరియానీ తిని ఇంటికొచ్చి, చల్లారిన బ్రహ్మపదార్థాన్ని చెత్తబుట్టలోకి చేర్చాను. ఇదే సమస్య నా ఇద్దరు మిత్రలదీనూ. పెద్దగిన్నె మార్చి చిన్నది పెట్టి చూశాను. నీళ్లు కొంచెం ఎక్కువపోసి చూశాను. ఎన్ని చేసినా బ్రహ్మపదార్థమేగానీ పరబ్రహ్మస్వరూపం తయారవడంలేదు. తెలిసినవారెవరైనా ఒక్క గ్లాసుడు బియ్యంతో మైక్రోవేవ్ఓవెన్‌లో మెత్తని అన్నం వండే చిట్కా చెబితే మీ సహాయాన్ని గుర్తుంచుకుంటాను. ధన్యవాదాలు. - రానారె